Daniel Azzopardi

Attur

Biografija

Daniel Azzopardi huwa ggradwat fl-Istudji Teatrali mill-Università  ta’ Malta u għandu wkoll Masters fil-Ġestjoni u Politika Kulturali Internazzjonali mill-Università ta’ Warwick. Wara l-istudji tiegħu f’Malta huwa ssokta bit-taħriġ estensiv fl-arti performattiva fl-Ewropa u r-Renju Unit fejn fost oħrajn kiseb akkreditazzjoni distinta minn The London Academy of Music and Dramatic Arts (LAMDA) u The Royal Academy of Dramatic Art (RADA).

Ir-rwoli fir-reċtar tiegħu jinkludu lil Mr Twit fil-produzzjoni ta’ Teatru Qroqq The Twits ta’ Roald Dahl, Mr Kidd f’The Room ta’ Harold Pinter b’direzzjoni ta’ Jon Rosser, Bottom f ’ A Midsummer Night’s Dream ta’ Shakespeare b’direzzjoni ta’ Lino Farrugia, Oedipus f’Medea ta’ Euripides mad-Drama Centre, Pierrot f’Don Juan ta’ Molière ma’ Chris Gatt, Romeo f’Romeo& Juliet ta’ Shakespeare b’direzzjoni ta’ Albert Marshall, L-Avukat f’Ospizio ta’ Theatre Anon, Thomas DeOrea fil-produzzjoni ta’ Dù Theatre ta’ Il-Marid Immaġinarju ta’ Molière, Hamlet f’Continue Hamlet ta’ Cie Yan Duyvendak, u Bérenger f’Rinoċeronti ta’ Eugène Ionesco u direzzjoni ta’ Michael Fenech.

Daniel huwa wkoll attur ippremjat tat-TV li ħa sehem f’għadd ta’ sensiliet mfaħħra f’karattri bħal Benjamin Sultana f’Deċeduti, Dr Lewis Bonello f’Il-Klikka, Gwido Testaferrata fi Strada Stretta u riċentament bħala Tonin f’L-Għarusa.