Trikki Trakki – Youth Theatre Festival

L-attriċi Antonella Axisa se tkun qed tmexxi l-ewwel Festival tat-Teatru għaż-Żgħażagħ ta’ Teatru Malta! Fejn? Fl-iskola tal-arti viżwali u tal-ispettaklu li għadha kif tnediet, l-MVPA - skola għal dawk iż-żgħażagħ żgħar u bravi li jħobbu l-arti. L-għan? Li t-talenti li għadhom qed jinbtu jingħataw l-opportunità jtellgħu produzzjonijiet fuq skala żgħira flimkien ma’ dan il-festival uniku, fejn il-Year 7s tal-MVPA se jippreżentaw il-produzzjoni finali tagħhom lill-istudenti tal-Year 6. L-istudenti, flimkien mal-għalliema tagħhom se jkunu mistennijin jaħdmu fuq kollox – minn disinn tas-sett, sa dwal, kostumi u kompożizzjoni tal-mużika, u dan kollu waqt li jkunu qed jaħdmu ma’ professjonisti li jaħdmu proprju fl-arti, fil-qasam li fih dawn l-istudenti jaspiraw li xi darba jiffurmaw parti b’mod professjonali.