Il-Qtates ta’ Max-Xatt, Opra Għat-Tfal

Din l-opra għat-tfal, li se tmiss il-qalb ta' kull min jaraha, se tesplora s-suġġett sensittiv tat-telfa mil-lenti ta’ grupp ta’ qtates kantanti li jgħixu fit-triq u li qed isibuha diffiċli jifhmu għalfejn sparixxew tnejn mill-aktar nies importanti f’ħajjithom. Ibbażata fuq il-kitba ta’ Clare Azzopardi, Il-Qtates ta’ max-Xatt tistieden lill-udjenzi - żgħar u kbar - biex isegwu bi ħġarhom din l-interpretazzjoni melodjuża ta’ storja li, permezz tal-marjunetti u l-kanzunetti, tesplora waħda mill-akbar biżgħat tat-tfal. Issa wasal il-waqt li jinfetħu dawk il-bagalji, għax il-qtates bdiet taqbżilhom!