Sarah Amato
Attriċi
Biografija
Sarah Amato gradwat b’Baċellerat bl-Unuri fl-Istudji tat-Teatru mill-Università ta’ Malta fl-2019.
Minn hemm kisbet diversi opportunitajiet biex taħdem f’diversi produzzjonijiet mhux biss fuq il-palk imma anke bħala parti mit-tim tal-produzzjoni, kemm lokalment u anke lil hinn minn xtutna.
Sarah hija artista versatili li tieħu gost tesplora rwoli differenti fil-produzzjonijiet teatrali. Dan l-aħħar uriet l-interess tagħha u ħadet sehem fi produzzjonijiet ġodda ma’ gruppi teatrali ġodda bħal Nostrum li ttellgħet fi Spazju Kreattiv u Giulietta, produzzjoni dwar irkant matul iż-żmien, li ttellgħet minn kumpanija teatrali emerġenti Busli.