Jamie Cardona
Attur
Biografija
Jamie huwa tfajjel ta’ tmintax-il sena b’passjoni kbira għat-teatru. Beda jitħarreġ ġewwa l-Malta Drama Centre mill-età ta’ erba’ snin u sal-lum il-ġurnata baqa’ jistudja u jġib il-kwalifiki neċessarji biex ikompli miexi ’l quddiem f’dan il-qasam. F’Mejju 2012, huwa ġie ppremjat mid-Direttorat tat-Tagħlim Tul il-Ħajja għall-aħjar student fil-kategorija tiegħu. Ħa sehem f’bosta produzzjonijiet kemm għat-televiżjoni kif ukoll għall-palk. Fost il-proġetti teatrali nsibu Ix-Xitan Kunjomu Malti, Għajn-Eye-Three, Jiena Nħobb Inti Tħobb, Faith Hope u Charity, Irbaħt il-Lottu, B’tal-Linja Jaqbillek Żgur, Tikber u Tinsa, Metamorfosi, The Acrobat, kif ukoll Aħna Aħna, jew m’Aħniex.