Jackie Pace Delicata
Biografija
Jackie Pace Delicata hija kantanta live u vokalista li tkanta fl-istudjows. Fl-1999 sal-2000 kienet il-kantanta residenta fuq programm teliviżiv fuq stazzjon nazzjonali li kien iseħħ kull ġimgħa. Hija wkolla ħadet sehem f’musicals bħal Sound of Music, Evita, HMS Pinafore, il-pantomima tal-MADC flimkien ma’ festivals tal-kanzunetti lokali u kunċerti bħal il- Festival Għall-Kanzunetta Maltija (in 2000, 2001), il-kunċerti ta’ Voices, u Voices Jazz Afloat, u wkoll kienet involuta bħala solista fil-kunċerti ta’ Spiteri Lucas Entertainment. Jackie wkoll iffurmat parti mill-kor għal Valletta Pageant of the Seas u l-ċerimonja tal-ftuħ tal-programm ta’ Valletta 2018. Jackie wkoll kienet akkumpanjatista vokali għal avvenimenti prestiġjużi bħal Rockestra, Ġensna, L-Għanja tal-Poplu, MCO Pop u l- Malta International Fireworks Festival. Hija wkoll ħadmet bħal akkumpanjatista vokali ma’ ħafna mill-artisti/bands li għandna f’Malta bħal Ira Losco, Red Electrick, Ivan Grech, D Capitals, Versatile Brass Band u Brass House Unit fost oħrajn. Hija wkoll kellha l-opportunità li tkun l-akkumpjatista vokali għal Marc Martel waqt il-kunċert tiegħu f’Malta fl-2019. Hija wkoll akkumpanjat ir-rappreżentattiva għall-konkors tal-kant tal-Eurovision (2010) f’Oslo bħala akkumpanjatista vokali. Jackie wkoll hija membru tal- Animae Gospel Choir u tkanta waqt avvenimenti bħat-tiġijiet.