Clare Azzopardi
Kittieba
Biografija
Clare Azzopardi tgħix f’dar antika ħafna u meta ma tkunx qed tgħallem tkun qed tikteb jew taqra. Kitbet u ttraduċiet numru ta’ kotba għat-tfal kif ukoll żewġ ġabriet ta’ stejjer u rumanz għall-kbar. Il-ġabra ta’ novelli Kulħadd ħalla isem warajh ġiet ippubblikata f’diversi lingwi fosthom il-Kroat, is-Sloven, l-Għarbi u l-Ungeriż filwaqt li r-rumanz tagħha Castillo ġie ppubblikat bl-Għarbi, bit-Taljan u bl-Ingliż. Azzopardi kitbet bosta xogħlijiet għat-teatru fosthom l-Interdett taħt is-Sodda, Tebut Isfar, In-Nisa (Maltin) jafu kif u Pretty Lisa.