SEJĦA GĦAL AWDIZZJONIJIET!

BOULEVARD

Ko-produzzjoni bejn Teatru Malta u Teatru Manoel f’kollaborazzjoni ma’ ŻfinMalta

direzzjoni ta’: Toni Attard

koreografija ta’: Paolo Mangiola

Bejn is-6 u d-9 ta’ Settembru 2018 – Teatru Manoel

‘Boulevard’, dramm tad-drammaturgu nazzjonali Malti Francis Ebejer, ser jiġi adattat f’xogħol teatrali kollaborattiv ġdid ma’ atturi u żeffiena mill-ensemble taż-żfin ŻfinMalta. Se jsiru awdizzjonijiet bil-Malti miftuħin għal kulħadd għal erba’ karattri:

Martiża (mara, età 30+)

Blonk (raġel, età 20+)

Gregorex (raġel, età 40+)

Raoul (raġel, xwejjaħ)

________________________________

DATA: 2.2.18

POST: Teatru Manoel

Ħin: 4pm

L-atturi li se jagħmlu l-awdizzjonijiet għall-karattri ta’ Martiza, Gregorex u Blonk irid ikollhom esperjenza fit-teatru fiżiku, fiż-żfin jew fil-moviment u se jkunu mitlubin jipparteċipaw b’mod attiv fil-proċess kreattiv.

L-atturi se jintalbu wkoll jieħdu sehem f’workshop ta’ 30 minuta fi grupp bħala parti mill-awdizzjoni.

______________________________________

L-atturi jridu jkunu disponibbli għal workshops kreattivi maż-żeffiena bejn l-10am u l-5pm fil-ġranet li ġejjin (għandu mnejn ma jkunux meħtieġa l-ġranet jew il-ħinijiet kollha):

Bejn l-14 u d-19 ta’ Mejju

Bejn il-21 u s-26 ta’ Mejju

Bejn it-28 ta’ Mejju u t-2 ta’ Ġunju

Bejn l-4 u d-9 ta’ Ġunju

______________________________________

Se jsiru wkoll provi addizzjonali għall-atturi:

F’Lulju u Awwissu

Il-ġimgħa tal-produzzjoni se tibda:

Is-Sibt 1 ta’ Settembru

Għad-dettalji ta’ kif tistgħu tagħmlu l-awdizzjoni u l-informazzjoni dwarha, jekk jogħġobkom ibagħtu email fuq hello@teatrumalta.org.mt.