XENI

Id-dinja tat-teatru tevolvi kontinwament: materjali ġodda, teknoloġiji ġodda, ideat ġodda, li kollha jirrikjedu l-abbiltajiet ta’ disinjatur li kapaċi jwassal kull viżjoni artistika mid-disinn għall-palk. Is-sett għandu rwol ċentrali fir-rakkont ta’ kwalunkwe produzzjoni, rwol li jitlob relazzjoni kollaborattiva bejn dawk li jpittru s-sett, dawk li jibnuh, u d-disinjaturi tad-dawl. XENI huwa proġett retrospettiv kurat mid-disinjatur Taljan Romualdo Moretti li ħadem mal-iktar kumpaniji teatrali prominenti madwar Malta u Għawdex. Dan il-proġett huwa prodott minn Teatru Malta b’kollaborazzjoni ma’ Spazju Kreattiv bl-intenzjoni li jipprovdi lill-udjenzi b’ħarsa rari lejn dawn l-aħħar għaxar snin ta’ xenografija lokali.