IL-BOOTCAMP TA’ TRIKKI TRAKKI FIS-SAJF

Għandna aħbar x’naqsmu mat-tim ta’ Trikki Trakki. Ħejju ruħkom għal kapitlu ġdid fil-vjaġġ ta’ Trikki Trakki! Qed iniedu l-ewwel darba boot camp ta’ tlett ijiem fis-sajf, esklussivament
għal dawk li kienu fi Trikki Trakki fissnin li għaddew. Hekk kif għaddejjin il-preparamenti għall-istaġun li jmiss, ninsabu ħerqana biex noffru din l-opportunità b’xejn lill-familja ta’ Trikki Trakki.

Taħt il-gwida esperta ta’ professjonista tal-esperjenza, ilparteċipanti se jkomplu jindagaw fil-ħafna ħiliet relatati mat-teatru, ikomplu jirfinaw it-talenti tagħhom u jkomplu jifirxu l-orizzonti artistiċi tagħhom. Minn tekniki tar-reċtar għal tekniki relatati mal-produzzjoni, din l-opportunità se tkun qed toffri spazju fejn dawk li jattendu jkomplu jiżviluppaw il-ħiliet tagħhom li kienu bdew jaħdmu fuqhom fil-festival u jtejbu l-abbiltajiet kreattivi tagħhom. Imma dan mhux kollox — stennew finale mill-aqwa! Fl-aħħar ta’ dan il-bootcamp, dawk li se jattendu se jkunu jistgħu jagħmlu awdizzjoni għal xi ħaġa faqgħa ħafna! Imma nagħtukom iktar dettalji dwar dan iktar tard… Trikki Trakki huwa impenjat li jestendi t-taħriġ tat-teatru lil hinn miż-żmien tal-festival, u dan il-boot camp huwa biss il-bidu. Alumni — titilfuhx!

Ġieli ħadt sehem fi Trikki Trakki?
Interessat li tattendi Trikki Trakki
Summer bootcamp? Ikkuntatjana fuq trikkitrakki@teatrumalta.org.mt