Boulevard

Teatru Malta u Teatru Manoel se jkunu qed jikkollaboraw ma' ŻfinMalta biex ifakkru l-25 sena mill-mewt tad-drammaturgu Malti maħbub Francis Ebejer. Boulevard, miktuba fl-1964, tilgħab bl-assurd biex tisfida t-tradizzjonijiet (1973, The Cliffhangers). L-adattament kontemporanju tal-assurdità ta’ Boulevard se jiġi esplorat permezz tal-koreografija ta’ Paolo Mangiola u d-direzzjoni ta’ Toni Attard fi spettaklu ta’ żfin-teatru b’żeffiena minn ŻfinMalta u atturi mistiedna li se jkunu qed jikkreaw flimkien, fuq l-istess palk fejn kien ittella’ x-xogħol oriġinali għall-ewwel darba. Dan l-ispettaklu se jifforma wkoll parti mir-ristrutturar tal-Premju Francis Ebejer.