AURA – Musical in the Dark

Mit-tim li tella’ b’suċċess ta’ liema bħalu s-serje ta’ Panto in the Dark, li kaxkar diversi premji, waslet fostna esperjenza ġdida mużikali u queer fi sfond ta’ dlam ċappa. Teatru Malta, bi pjaċir iħabbar AURA, produzzjoni mużikali fid-dlam, bi produzzjoni u kollaborazzjoni ma’ Europride u Esplora. Din l-esperjenza multisensorjali hija waħda immersiva li se teħodkom fuq vjaġġ lejn Aura, gżira maġika fejn kollox huwa possibbli.

Ingħaqdu ma’ Lu’ hekk kif terħilha dlonk it-triq għall-akbar avventura ta’ ħajjitha ma’ missirijietha, ħabibtha Peppa u l-ħlejjaq kollha maġiċi ta’ Aura inklużi l-bram li jinfexxew f’kant, qarnita għarfa u għasfur fuq ruħu. Din iċ-ċelebrazzjoni tal-kumplessitajiet tal-ħajja se jingħataw importanza f’produzzjoinijiet live fuq mikrofonu binaural, effetti multisensorjali u ħafna sorpriżi oħrajn li, bla dubju ta’ xejn, se jwasslukom biex tesperjenzaw produzzjoni mużikali unika.

B’kunċett u skript oriġinali ta’ Vikesh Godhwani u Marta Vella, mużika u lirika ta’ Luke Saydon, u diżinn tal-ħsejjes ta’ Matteo Depares, dan l-ispettaklu se jkun il-qofol ta’ dan l-istaġun teatrali.

This project is being done in co-production with Esplora for Euro Pride, and is supported by Arts Council Malta.

ĦIN: 11am u 7pm

ĊERT: PG

LINGWA: Ingliż

TAXI TEATRU: ĦALLI L-KARROZZA TIEGĦEK ID-DAR! Ibbenefika minn skont ta’ 10% (sa EUR2) ma’ eCabs inti u sejjer u titlaq minn ‘Aura’ billi tuża l-kodiċi promozzjoni TAXITEATRU ****A/B (b’**** qed infissru l-4 ċifri li jirreferu għad-data u x-xahar tal-ispettaklu li se  tattendi, pereżempju ‘TAXITEATRU1209A’ għall-ispettaklu tal-11am u ‘TAXITEATRU1209B’ għall-ispettaklu tas-7pm ) fuq l-app tal-eCabs tiegħek.

Ara l-messaġġ speċjali tal-Ko-kittieb u Direttur Vikesh Godhwani għat-tnedija tal-programm direttament minn Londra, ir-Renju Unit.