TRIKKI TRAKKI 2023: SEJĦA GĦALL-APPLIKAZZJONIJIET

03.11.22

Hawn hi l-formola tant mistennija ta’ Trikki Trakki!

Fl-2023 se niċċelebraw is-sitt edizzjoni ta’ Trikki Trakki, festival tat-teatru għaż-żgħażagħ organizzat minn Teatru Malta bl-appoġġ tal-Ministeru għall-Edukazzjoni, li joffri liż-żgħażagħ l-opportunità biex joħolqu t-teatru b’mod professjonali.

Se jintgħażlu massimu ta’ sitt skejjel differenti biex jipparteċipaw. Kull skola magħżula se tipproduċi produzzjoni qasira bbażata fuq test klassiku tat-teatru taħt il-gwida ta’ diretturi professjonali pprovduti minna. L-istudenti se jingħataw ukoll l-opportunità unika li jattendu workshops dwar l-arti tat-teatru mal-aqwa coaches.

Kwalunkwe skola f’Malta, inklużi l-iskejjel tal-gvern, tal-knisja u privati, li għandhom studenti tal-Year 7 (Form 1) jistgħu jkunu parti minn dan il-proġett meraviljuż!

Interessati? Applikaw hawn taħt!