SEJĦA: IL-GRUPP TA’ TEATRU MALTA
17.06.24Fid-dinja vasta u vibranti tal-arti performattiva kontemporanja, Teatru Malta bi pjaċir kbir tħabbar l-ewwel truppa teatrali ibrida. Din l-inizjattiva tgħaqqad il-prestazzjoni, l-impenn komunitarju, u prattika kreattiva versatili f’ensemble dinamiku.
Qed insalpaw fuq vjaġġ li jgħaqqad it- tradizzjonijiet tal-palk mad-diversità fiċ-ċirku, li jintegra dixxiplini diversi fi rwol wieħed sabiex ikun jista’ jipprovdi kuntratt ta’ servizz full-time għal artisti u kreattivi li flimkien mal- istrateġija tagħna, jiżviluppa f’xogħol stabbli fit-tul.
Ħerqana li nilqgħu talent eċċezzjonali bħala l-membri inawgurali ta’ dan l-ensemble. Dawn l-artisti mhux se jesebixxu t-talenti teatrali tagħhom biss imma jistgħu wkoll jinvolvu ruħhom f’xi rwoli wara l-kwinti.
Dan l-impenn full-time joffri opportunitajiet uniċi għal tkabbir personali u professjonali fid-dinja tal- arti performattiva.
Waqt li nispiraw ruħna mill-ħiliet varji tal-artisti taċ-ċirku – li jieħdu ħsieb kollox, mill-prestazzjoni sax-xogħol loġistiku—l-inizjattiva l-ġdida tagħna tfittex artisti li huma versatili u addattabbli, li lesti jieħdu rwol ibridu fi ħdan Teatru Malta u jikkontribwixxu għal tim tassew ibridu.
Ensemble ibridu fix-xena kulturali u artistika tagħna jfisser iktar minn sempliċiment atturi li jirreċtaw; dan jinvolvi truppi dedikati fuq proġetti fit-tul, li jżuru postijiet varji bħal skejjel u komunitajiet, jinvolvu ruħhom f’riċerki u żviluppi artistiċi waqt li jgħinu fir-rutina ta’ kuljum tal-kumpanija. Żviluppajna dan il- kunċett ma’ wħud mill-kollegi fl-ETC, u anke membri tal-ensemble fi ħdan ko-produzzjonijiet internazzjonali, b’rispons tassew pożittiv. Dan jimxi b’mod parallel man-Next Theatre Generation Programme tal-ETC u r-realtajiet lokali, dawn it-tipi ta’ rwoli qed jiġu wkoll implimentati f’pajjiżi oħra żgħar Ewropej.
KIF TAPPLIKA?
Nistednuk biex turina t-talenti uniċi tiegħek u l-isfond professjonali. Jekk jogħġbok issottometti dan li ġej fuq contact@teatrumalta.org,mt:
- Portafoll Artistiku – Semmi kull xogħol relevanti li jesebixxi l-ħiliet tiegħek u l-kisbiet tiegħek fid-dinja tal-arti.
- CV/Résumé – Ikteb fid-dettall l-esperjenza professjonali tiegħek u l-isfond edukattiv tiegħek.
- Ittra ta’ Motivazzjoni – Spjega għaliex int il-kandidat ideali għal dan l-irwol ibridu u kif timmaġinak tikkontribwixxi għal Teatru Malta.
- Filmat Motivazzjonali – Filmat qasir li juri l-passjoni lejn it-teatru u lejn din l-opportunità.
Jekk trid, tista’ żżid materjal addizzjonali biex turi iktar it- talenti u l-ħiliet tiegħek jekk temmen li dawn jgħinuk biex tikseb dan l-irwol. Ninkuraġġuk li tkun kreattiv fil-mod kif tippreżenta l-kwalifiki tiegħek u l-perspettiva artistika tiegħek.
DATA TAL-GĦELUQ TAL-APPLIKAZZJONI U L-PROĊESS TA’ WARA
Id-data tal-għeluq tal-applikazzjoni hija fl-17 ta’ Ġunju 2024 f’nofsinhar.
La darba nirċievu l-applikazzjoni, nibdew noħolqu lista bil-kandidati b’potenzjal. Jekk tagħmilha ma’ din il-lista, navżawk u nagħtuk id-dettalji u l-kriterji kollha għall-intervista u l-awdizzjoni.