Matthias Camilleri
Biografija
Matthias Camilleri hu artist tal-ispettaklu u taċ-ċirku kontemporanju multidixxiplinari li huwa oriġinarjament minn Malta. Beda’ t-taħriġ fil-ġinnastika fl-età bikrija ta’ 7 snin fil-GymStars Gymnastics Club. Kompla jtejjeb il-ħiliet tiegħu permezz tal-Ballet u taż-Żfin Kontemporanju fil-Johane Casabene Dance Conservatoire.
Minn dak iż-żmien ’l hawn, hu ħa sehem f’diversi spettakli prestiġjużi lokali, flimkien mat-tim tiegħu, MalteseMotion, sakemm mar joqgħod ġewwa Londra, ir-Renju Unit, biex ikun jista’ jattendi in-Nation Centre for Circus Arts fl-2017. Hawnhekk, Matthias beda’ t-taħriġ fuq iċ-Chinese Pole, fl-aerial straps u fl-acro dance. Matthias lesta l-Baċellerat fis-Circus Arts fl-2020. Minn dak iż-żmien, hu reġa’ ġie lura Malta u qiegħed jaħdem lokalment.